Дар доираи чорабинӣ маросими тантанавии супоридани ҷоизаи бонуфузи Halal In Travel Awards 2023 аз ширкати сингапурии Crescentrating Pte. Ltd., ки шаҳри Хива бо ҷоизаи "Маҳалли исломии сол" сарфароз шуд, баргузор гардид, хабар медиҳад АИ "Дунё".
Таъкид гардид, ки ин унвони фахрӣ тасдиқи эътирофи ҷомеаи ҷаҳонӣ барои дастовардҳои барҷаста ва таҷрибаи инноватсионии Ӯзбекистон дар соҳаи туризми ҳалол мебошад.
Бо мақсади боз ҳам вусъат додани ҳамкорӣ бо ширкати сингапурии Crescentrating Pte. Ltd., ки он ҳамасола ба кишварҳои хориҷӣ рейтингҳо оид ба ҷолибияти туризми ҳалолро муқаррар менамояд ва медиҳад, Вазорати фарҳанг ва сайёҳии Ӯзбекистон ва ин ширкат меморандуми ҳусни тафоҳумро имзо карданд.
Чунон ки президенти Crescentration Pte. Ltd. Файзал Бахардин таъкид намуд, ин иқдом барои рушди минбаъдаи муносибатҳои дуҷониба ангезае буда, ба афзоиши гардиши сайёҳии зиёратӣ ба Ӯзбекистон мусоидат хоҳад кард.
