Сирдарёда соғлиқни сақлаш тизимининг янги модели ва давлат тиббий суғуртаси механизмлари бўйича тажриба-синов лойиҳасини ишга тушириш учун тайёргарлик ишлари билан бир вақтда оилавий шифокор, терапия ва педиатрия бўйича ёрдамчилар, ҳамшира ва доядан иборат гуруҳларни тузиш ишлари бошлаб юборилди.
Президентимизнинг “Соғлиқни сақлаш тизимини ташкил этишнинг янги модели ва давлат тиббий суғуртаси механизмларини Сирдарё вилоятида жорий этиш чора-тадбирлари тўғрисида”ги қарори ижросини таъминлаш ва ҳаётга татбиқ этиш жараёнларида давлат тиббиёт суғуртасини жорий этиш механизмларига бағишланган семинар ўтказилди.
Семинарда олиб борилган ишлар таҳлил қилиниб, янги жорий қилинаётган давлат тиббий суғурта тизими ҳисобига соҳада самарадорликка эришиш масаласи кўриб чиқилди.
Бугун Навоий шаҳрида бунёдкорлик жадал. Фаровон - янги ташкил топган маҳаллалардан бири. Бу ердаги 50 дан ортиқ кўп қаватли уйда 15 минг нафардан зиёд аҳоли яшайди. Ҳудудда кўплаб савдо ва хизмат кўрсатиш шохобчалари, театр ва меҳмонхоналар, боғча ва мактаблар барпо этилган.
Жорий йил 30 октябрда Тошкент шаҳрида Туризм қўмитаси кўмагида Хусусий туризм ташкилотлари уюшмаси томонидан ташкил этилган “Tashkent Travel Mart-2024” икки кунлик Халқаро сайёҳлик кўргазмаси доирасида B2B форматида ишбилармонлик учрашувлари бўлиб ўтди.
