2024 йил 22 апрелда Ўзбекистон Республикаси ташқи ишлар вазири Бахтиёр Саидов Серра-Леоне Республикасининг Фавқулодда ва Мухтор Элчиси этиб тайинланган Муҳаммад Ёнгаводан ишонч ёрлиқларини қабул қилди.
Учрашувда икки томонлама алоқаларни бойитишда ҳали фойдаланилмаган улкан салоҳият мавжудлиги таъкидланди. Вазир Элчига мамлакатимиздаги фаолияти давомида барча соҳалардаги кенг имкониятларни ўрганишда муваффақиятлар тилади, деб хабар беради Ташқи ишлар вазирлиги матбуот хизмати.
Бугун Навоий шаҳрида бунёдкорлик жадал. Фаровон - янги ташкил топган маҳаллалардан бири. Бу ердаги 50 дан ортиқ кўп қаватли уйда 15 минг нафардан зиёд аҳоли яшайди. Ҳудудда кўплаб савдо ва хизмат кўрсатиш шохобчалари, театр ва меҳмонхоналар, боғча ва мактаблар барпо этилган.
Жорий йил 30 октябрда Тошкент шаҳрида Туризм қўмитаси кўмагида Хусусий туризм ташкилотлари уюшмаси томонидан ташкил этилган “Tashkent Travel Mart-2024” икки кунлик Халқаро сайёҳлик кўргазмаси доирасида B2B форматида ишбилармонлик учрашувлари бўлиб ўтди.
