Бүгін күндіз Бұхара, Науаи, Самарқант, Жызақ және Қашқадария облыстарының кейбір аймақтарында жаңбыр жауып, найзағай болуы мүмкін. Қалған өңірлерде жауын-шашын күтілмейді.
Синоптиктердің мәліметінше, 11–12 сәуір күндері республика аумағының көп бөлігінде ауа райы құрғақ болады. Тек Самарқант және Жызақ облыстарында кей жерлерде, сондай-ақ Ферғана аңғарында қысқа мерзімді жаңбыр мен найзағай болуы ықтимал.
Ауа температурасы түнде 8–13 градус, күндіз 20–25 градус шамасында болады.
Тау етегі және таулы аймақтарда кей жерлерде қысқа мерзімді жаңбыр жауып, найзағай болуы мүмкін. Сонымен қатар, сел және су тасқыны қаупі бар.
Ташкент қаласында 10–12 сәуір күндері жауын-шашын күтілмейді. Жел шығыстан орташа жылдамдықпен соғады. Температура түнде 11–13 градус, күндіз 23–25 градус болады.
