ЖҚҚҚ баспасөз қызметінің хабарлауынша, республиканың барлық аумағында орнатылған радарлар мен басқа да арнайы техникалық құралдар арнайы жабдықталған автокөліктердің көмегімен тексеріліп жатыр.
Аталған құрылғылардың жарамды, дәл әрі тұрақты жұмыс істеуін қамтамасыз ету мақсатында олар Өзбекстан ұлттық метрология институтының мамандары тарапынан тұрақты түрде метрологиялық тексеру мен сынақтан өткізіледі.
Тексеру барысында радарлардың белгіленген техникалық талаптарға сәйкестігі, көлік құралдарының жылдамдығын тіркеу дәлдігі және құрылғылардың заңды негізде жұмыс істеп жатқаны бағаланады.
Анықталған кемшіліктер немесе заңбұзушылықтар бойынша Жол қозғалысы қауіпсіздігі қызметі жауапты тұлғаларға қатысты заңнамада белгіленген тәртіппен тиісті шаралар қабылдайды.
Айта кету керек, жол қозғалысы қауіпсіздігін қамтамасыз етуде тек тәртіп пен жауапкершілік қана емес, заңдылық, объективтілік және азаматтарға әділ қарым-қатынас жасау да маңызды рөл атқарады.