Министрлер Кабинетінің 154-санды қаулысымен салық тексерулерін бейнетаспаға түсіру тәртібі белгіленді.
Үкіметтің 2021 жылғы 7 қаңтардағы 1-санды қаулысына енгізілген қосымшаларға сәйкес, “Мемлекеттік салық қызметі органдары тарапынан салық төлеушілердің қызметінде жүргізілетін салық бақылау шараларын бейнетаспаға түсіру тәртібі туралы” ереже бекітілді.
Ережеге сәйкес, бақылау шаралары салық органы басшысы немесе оның орынбасарының салық тексеруін өткізу туралы бұйрығы негізінде бейнетаспаға түсіріледі.
Салық органдары жүргізетін бақылау шаралары барысында мыналар бейнетаспаға түсіріледі:
салық салу нысандарын есепке алу;
хронометражды қарап шығу;
салық төлеушінің жұмысшылары мен қызметкерлерінің нақты саны және олардың салық есебінде көрсетілген санымен сәйкестігін тексеру;
бақылау-касса техникасы мен есеп айырысу терминалдарын қолдану;
сауда және қызмет көрсету ережелерінің сақталуы және басқалар.
Бақылау шарасы салық төлеушілердің заңды қызметін тоқтатпайтын және олардың жұмысына зиян келтірмейтін түрде бейнетаспаға түсіріледі.
Бақылау шарасының нәтижесі бойынша жасалған актіде іс-шараны бейнетаспаға түсіру құрылғысы (құрылғының түрі мен серия нөмірі), сондай-ақ бейнетаспаға түсірілген жағдайлар туралы мәліметтер көрсетіледі.
