Бұл туралы Өзбекстан Сыртқы істер министрлігінің баспасөз қызметі хабарлады.
Министрліктің мәліметінше, Өзбекстан Сыртқы істер министрлігі мен Өзбекстанның Каирдегі елшілігі Мысыр тарапымен тікелей келіссөздер жүргізген. Келіссөздер нәтижесінде Өзбекстан азаматтарының Мысырға кіру тәртібін қатаңдату бойынша бұрын қабылданған қаулыны қайта қарау туралы келісімге қол жеткізілді.
Осылайша, жаңа ережелер күшіне енгенге дейін Өзбекстан азаматтары Мысырға қолданыстағы тәртіп бойынша саяхаттай алады.
Сыртқы істер министрлігі шетелдік әріптестерімен бірлесіп, азаматтардың шетелге шығу мүмкіндіктерін кеңейту, визасыз режимдерді енгізу және басқа мемлекеттерге сапар шегу рәсімдерін жеңілдету бағытындағы жұмыстарды жалғастырып келеді.
Сонымен қатар, министрлік азаматтарды шетелге сапарға шыққан кезде жергілікті заңнамалар мен белгіленген тәртіп ережелерін сақтауға, виза және миграция талаптарын орындауға, сондай-ақ баратын елдің ұлттық құндылықтарын, дәстүрлері мен қоғамдық тәртібін құрметтеуге шақырды.
Министрліктің атап өтуінше, азаматтардың шетелде жауапты мінез-құлық танытуы Өзбекстанның оң имиджін нығайтуға және халықаралық ынтымақтастықты дамытуға ықпал етеді.
