Бу ҳақда Бизнес-омбудсман матбуот котиби маълум қилди.
Қайд этилишича, тадбиркорлик субъектига тегишли шохобчалар лицензиясини 6 ой муддатга тўхтатиб туриш бўйича Ўзенергоинспекциянинг Фарғона вилояти бошқармаси томонидан судга даъво киритилган.
Бизнес-омбудсман девони ходимлари суд жараёнида тадбиркор манфаатларини ҳуқуқий жиҳатдан ҳимоя қилган. Натижада назорат органининг даъвоси рад этилган ва корхонанинг ҳуқуқлари тикланган.
Шунингдек, Бизнес-омбудсман аралашуви билан ушбу тадбиркорга қарашли шу ҳудудда жойлашган яна 6 та АГТКШ бўйича ҳам худди шундай муаммолар ижобий ҳал этилган.
Суд томонидан мазкур шохобчалар лицензиясини тўхтатиш бўйича киритилган даъволар рад этилган. Ноқонуний текширув ўтказгани учун айрим мансабдор шахслар маъмурий жавобгарликка тортилган ва тегишли ташкилотга тақдимнома киритилган.
Қайд этилишича, ҳуқуқий кўмак натижасида ҳудуддаги жами 7 та йирик газ тўлдириш шохобчаси фаолияти сақлаб қолинган, шу билан бирга юзлаб ходимларнинг иш ўрни ҳам асраб қолинган.
