БМТ Хавфсизлик кенгаши 25 март, душанба куни мусулмонлар учун муқаддас Рамазон ойида Ғазо секторида ўт очишни тўхтатишга чақирувчи резолюция лойиҳасини қўллаб-қувватлади. Резолюцияни БМТ Хавфсизлик Кенгашидаги 15 давлатдан 14 таси маъқуллади. АҚШ бетараф қолди. Шу тариқа, Ғазо секторида ўтган йилнинг 7 октябрь куни ҲАМАС радикал исломий ҳаракатининг Исроилга ҳужуми оқибатида юзага келган уруш бошланганидан бери биринчи марта кенгаш аъзолари сулҳ талаб қилувчи резолюцияни маъқуллади, деб хабар беради dw.com.