Бугун, 12 май куни Тошкент шаҳар Фавқулодда вазиятлар бош бошқармасига «112» тизими орқали Яшнобод туманидаги 4-сонли шифохонадан мурожаат келиб тушган.

Унда 11 ёшли боланинг бармоғи металл буюм — спиннер ўйинчоғига қисилиб қолгани ва уни чиқариб олишда амалий ёрдам сўралган.

Хабарга асосан, ФВВ қутқарувчилари зудлик билан воқеа жойига етиб борган. Қутқарувчилар эҳтиёткорлик билан металл буюмни ечиб олиб, боланинг бармоғини озод қилган.

Шундан сўнг, шифокорлар томонидан болага зарур тиббий ёрдам кўрсатилган.