Урбанизация миллий қўмитаси томонидан Парламентга шаҳарсозлик ва урбанизация соҳасидаги қонунбузарликларга қарши таъсирчан чораларни назарда тутувчи қонун лойиҳаси киритилди. Депутатлар ҳужжатни биринчи ўқишда маъқуллади.
Маълумотларга кўра, 2023 йилда 8 мингга яқин, 2024 йилда эса қарийб 9 мингта шаҳарсозлик қонунчилиги бузилиши ҳолати аниқланган.
Сифатсиз қурилишлар сабаб 4 мингдан ортиқ объектда ишлар тўхтатилган. 2025 йилда эса 2 350 та объектдаги қоидабузарлик ноқонуний қурилмаларни бузиш орқали бартараф этилган.
Қонун лойиҳасига кўра, лойиҳасиз, рухсатсиз ёки объектнинг функционал мақсадини бузган ҳолда қурилиш ишларини амалга оширган юридик шахсларга ҳар бир квадрат метр учун БҲМнинг 5 баравари миқдорида молиявий санкция қўлланилиши таклиф этилмоқда.
