Музқаймоқ таркибидаги кальций ва витаминлар туфайли организмга фойда келтиради, аммо шакар ва ёғларнинг кўплиги сабабли меъёрни кунига бир порциягача (70–100 г) чеклаш, ошқозон ёки ошқозон ости бези билан боғлиқ муаммоларда уни истеъмол қилмаслик муҳимдир.
Буни ёдда тутинг!
• Хавфсизлиги кафолатланмаган, сақлаш ва савдо қоидаларига риоя этилмаган ҳолда сотилаётган музқаймоқларни истеъмол қилиш натижасида овқатдан заҳарланишлар, ўткир юқумли ичак касалликлари келиб чиқиши мумкин.
• Музқаймоқлар сифати ва хавфсизлигини кафолатловчи ҳужжатлари мавжуд бўлганидагина савдо қилинишига рухсат этилади.
• Қадоқланган музқаймоқлар талаб этилган ҳароратда музлатгичларда сақланиши шарт.
• Музқаймоқларни харид қилишда уларни сақлаш шароити, қадоғи ва ундаги истеъмол муддатига доимо эътибор бериш керак.
• Музқаймоқ сотувчилар Соғлиқни сақлаш вазирлигининг 200-сонли буйруғи асосида тиббий кўрикдан ўтишлари ва махсус кийим билан таъминланишлари шарт.
• Кўча-кўйлар, белгиланмаган жойларда сотилаётган музқаймоқларни, айниқса фрезерли ускуналарда тайёрланган музқаймоқларни харид қилманг.
• Эриб қолган, бутунлиги бузилган музқаймоқларни сотишга рухсат этилмайди.
Шуни ёдда тутиш керакки, соғлом овқатланишнинг калити — меъёр. Мевали ёки шакарсиз турларини танлаш орқали музқаймоқдан вақти-вақти билан хилма-хил овқатланишнинг бир қисми сифатида баҳраманд бўлиш мумкин. Мувозанатга эришиш учун истеъмол қилинадиган музқаймоқ миқдорини кузатиб боринг ва уни бошқа фойдали маҳсулотлар билан уйғунлаштиринг.
