Пойтахтда жамоат транспорти ҳаракатига устуворлик бериш ва йўл ҳаракатини ташкил этиш тизимини такомиллаштириш доирасида автобуслар учун ажратилган йўлаклар тармоғи кенгайтирилмоқда. Шу билан бирга, мавжуд инфратузилмадан белгиланган қоидалар асосида фойдаланилишини таъминлаш чоралари кўрилмоқда.
Таъкидланишича, бошқа кўчалардаги автобуслар учун ажратилган йўлакларда ҳам назорат камералари босқичма-босқич ишга туширилмоқда.
Автобус йўлакларининг банд қилиниши жамоат транспорти ҳаракатига тўсқинлик қилиб, йўловчиларнинг манзилига кечикиб етиб боришига сабаб бўлиши мумкин. Бир автобусда бир вақтнинг ўзида 50 нафардан ортиқ йўловчи бўлиши мумкинлиги ҳисобга олинса, бундай кечикиш кўплаб инсонларнинг вақтига таъсир қилади.
Эслатиб ўтамиз, соат 06:00 дан 23:00 гача «А» йўлакларида ҳаракатланиш ҳуқуқига эга бўлмаган транспорт воситаларининг ҳаракатланиши тақиқланади.
Ҳайдовчилардан йўл белгилари ва чизиқлари талабларига риоя қилиш, белгиланган вақтда автобуслар учун ажратилган йўлакларга чиқмаслик сўралмоқда.
