Бу ҳақда Хитой марказий телевидениесига таяниб ТАСС хабар берди.

Маълум қилинишича, эвакуация ишлари кучли ёғингарчиликлар ва айрим ҳудудларда сув тошқини хавфи ортиши муносабати билан амалга оширилган. Баъзи аҳоли пунктларида аллақачон кенг кўламли сув босиши кузатилган.

Расмий маълумотларга кўра, мазкур ҳудудда 61 минг киши юқори хавф зонасида қолмоқда. Масъул давлат идоралари инсонлар ҳалок бўлишининг олдини олиш ва табиий офат оқибатидаги моддий зарарни камайтириш чораларини кўрмоқда.

Хитойда ёз мавсумида кучли ёғингарчиликлар ва тайфунлар тез-тез кузатилади. Ҳукумат ҳисоб-китобларига кўра, фақат июль ойида мамлакат бўйлаб қарийб 2,5 млн киши табиий офатлар хавфи туфайли эвакуация қилинган.

Ўтган ойда тайфунлар, кучли ёғингарчиликлар, кўчкилар, бўронлар ва бошқа табиий офатлар Хитой иқтисодиётига 57,15 млрд юань, яъни тахминан 8,41 млрд доллар миқдорида зарар етказган.