Бош прокуратура ҳузуридаги Департаментнинг Хоразм вилояти бошқармаси ва бошқа ҳуқуқни муҳофаза қилувчи органлар ходимлари ҳамкорлигида ўтказилган тезкор тадбирда бўлим бошлиғи Р.А. ашёвий далиллар билан қўлга олинган.

Аниқланишича, Р.А. фуқаро Ж.П.нинг нотурар биносини турар жой тоифасига ўтказиб беришни вилоят қурилиш ва уй-жой коммунал хўжалиги бош бошқармасида ишловчи танишлари орқали амалга ошириб беришини айтган. Бунинг эвазига у 1000 АҚШ доллари талаб қилган.

Ушбу пулларнинг 700 АҚШ доллари ва 3,6 миллион сўмини олган вақтида Р.А. ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ҳамда 28, 211-моддалари (пора бериш) билан жиноят иши қўзғатилган.

Ҳозирда жиноят иши бўйича тергов ҳаракатлари олиб борилмоқда.