Ифтитоҳи намояндагӣ идомаи раванде гардид, ки пас аз
пайвастани Ӯзбекистон ба Бонки авруосиёии рушд дар соли 2025 оғоз ёфта буд. Ҳамаи
расмиёти зарурӣ бо дастгирии ҳукумат анҷом ёфта, бонк фаъолияти пурраи
сармоягузориро дар кишвар оғоз намуд.
Ба гуфтаи раиси раёсати бонк Николай Подгузов, дар давраи стратегии наздик
бонк ният дорад то соли 2031 ба Ӯзбекистон аз 1,5 то 2 миллиард доллари ИМА
сармоягузорӣ кунад, аз ҷумла ба лоиҳаҳое, ки таъсири баланди ҳамгироӣ доранд.
Қайд гардид, ки портфели кунунии лоиҳаҳои эҳтимолӣ бахшҳои
энергетика, логистика ва саноатро дар бар мегирад. Аллакай як қатор ташаббусҳо
мавриди омӯзиш қарор дошта, аввалин созишномаҳо низ ба имзо расидаанд ва
тафсилоти онҳо баъдан пешниҳод хоҳад шуд.
Дар доираи ифтитоҳи намояндагӣ воркшопҳои таълимии
Академияи Бонки авруосиёии рушд баргузор гардиданд, ки ба мубодилаи таҷриба ва
рушди донишҳои коршиносӣ дар соҳаи фаъолияти бонкҳои бисёрҷонибаи рушд равона
шудаанд.
Муовини раиси раёсат ва иқтисоддони асосии бонк Евгений Винокуров аҳамияти баланд бардоштани сатҳи
огоҳӣ аз фаъолияти ниҳодҳои байналмилалии молиявиро барои самаранокии ҳамкорӣ
ва татбиқи лоиҳаҳои босифати сармоягузорӣ таъкид намуд.
Ифтитоҳи дафтари бонк дар Тошканд
имкон медиҳад, ки лоиҳаҳои сармоягузорӣ ба таври фаврӣ ҳамроҳӣ карда шаванд, ҳамкорӣ
бо мақомоти давлатӣ ва бахши хусусӣ тақвият ёбад ва сармоягузориҳои иловагии
байналмилалӣ ба иқтисодиёти Ӯзбекистон ҷалб гарданд.
