Дар оғози вохӯрӣ вазир ба Сарвари давлати мо салому дуруд ва орзуҳои неки Президенти АМА Шайх Муҳаммад Ол Наҳаён, Сарвазир ва Амири Дубай Шайх Муҳаммад Ол Мактум, Ноиби Президент Шайх Мансур Ол Наҳаён ва Валиаҳди Абу-Дабӣ Шайх Холид Ол Наҳаёнро расонид.
Дар мулоқот рушди босуръати муносибатҳои Ӯзбекистону Амороти Муттаҳидаи Араб дар доираи шарикии стратегӣ махсус таъкид гардид.
Ҳаҷми гардиши молу сармоягузорӣ ва шумораи корхонаҳои муштарак мунтазам афзоиш меёбанд. Дар доираи Форуми панҷуми сармоягузории Тошканд имзои як қатор созишномаҳои нав бо ширкатҳои аморатӣ дар назар аст.
Ҷонибҳо ба мувофиқа расиданд, ки татбиқи лоиҳаҳои бузург дар соҳаҳои энергетикаи «сабз», истеҳсоли сӯзишворӣ, нақлиёт, логистика, зеҳни сунъӣ ва рақамикунонӣ суръат бахшида шавад.
