Дастаи Ӯзбекистон-1
дар ҳайати Нодирбек Абдусатторов, Ҷавоҳир Синдоров, Нодирбек Ёқуббоев ва
Шамсиддин Воҳидов пас аз панҷ давр бо 10 имтиёз дар якҷоягӣ бо дастаҳои Ҳиндустон
ва Олмон пешсаф аст.
Дар бозии навбатӣ
дастаи Ӯзбекистон-2 низ бар тими Филиппин бо ҳисоби 2,5:1,5 пирӯз шуд. Ин даста
бо 8 имтиёз дар байни 202 даста мақоми 17-умро ишғол мекунад. Ӯзбекистон-3 бо
Австрия мусовӣ карда, 7 имтиёз ба даст овард ва дар зинаи 40-ум қарор гирифт.
Дар байни занон
дастаи Ӯзбекистон-1 бо тими ИМА мусовӣ кард. Ӯзбекистон-2 бар Тунис бо ҳисоби
4:0 пирӯз шуд, Ӯзбекистон-3 бошад, Мадагаскарро бо ҳисоби 3,5:0,5 мағлуб кард.
Пас аз даври панҷум
дастаи занонаи Ӯзбекистон-1 бо 9 имтиёз аз рӯи нишондиҳандаҳои иловагӣ дар ҷойи
шашум қарор дорад. Дастаҳои Ӯзбекистон-2 ва Ӯзбекистон-3 ҳар кадом 6-имтиёзӣ
доранд.
Дар даври 6-ум ҳаводорони
шоҳмотро рақобатҳои ҷолиб интизоранд. Аз ҷумла, дастаи пешсафи Ӯзбекистон-1 бо
гроссмейстерҳои Ҳиндустон рақобат мекунад. Дастае, ки дар ин давр пирӯз
мешавад, имкони худро барои ба даст овардани ғалабаи ниҳоӣ боз ҳам бештар хоҳад
кард.
