Навсозии
таркиби қатораҳо дар доираи барномаи васеи рушди нақлиёти ҷамъиятӣ ва баланд
бардоштани сифати хизматрасонӣ ба мусофирон амалӣ мегардад.
Қатораҳои
нав бо низоми муосири ҳавотозакунӣ барои истифодаи бароҳат дар фасли тобистон
ва инчунин бо низоми гармидиҳӣ барои фасли зимистон муҷаҳҳаз мебошанд.
Ба
истифода додани қатораҳои нав имкон медиҳад, ки фосилаи ҳаракати қатораҳо кам
гардида, сифати хизматрасонӣ беҳтар шавад ва таркиби кӯҳна тадриҷан бо қатораҳои
муосири барқӣ иваз карда шавад.
Илова
бар ин, зиёд шудани шумораи қатораҳои нав иқтидори интиқоли мусофиронро афзоиш
дода, риояи мунтазами ҷадвали ҳаракатро таъмин мекунад ва ба хизматрасонии
самараноки шумораи рӯзафзуни мусофирон мусоидат менамояд.
Ҳамчунин
дар метрополитени пойтахт хабар доданд, ки то охири соли ҷорӣ харидории 11 қатораи муосири барқии дигар дар
назар аст. Баҳрабардории марҳилавии онҳо қадами навбатӣ дар роҳи
навсозии метрополитен ва фароҳам овардани шароити боз ҳам мусоид барои сокинон
ва меҳмонони пойтахт хоҳад буд.
