Саҳми гурӯҳи ширкатҳо дар рушди соҳаҳои автомобилсозӣ ва нақлиёти Ӯзбекистон баланд арзёбӣ гардид. Масъалаҳои васеъ намудани истеҳсолот дар кластери автомобил, ки дар Ҷиззах таъсис ёфтааст ва афзунсозии сатҳи маҳаллисозии қисмҳои автомобил баррасӣ шуданд.
Роҳандозӣ гардидани занҷираи пурраи истеҳсоли автомобилҳои «Kia» ва афзудани ҳаҷми содирот бо қаноатмандӣ қайд гардид. Ба масъалаҳои оғоз намудани истеҳсоли тамғаҳои нави автомобил ва ба кор даровардани коргоҳи прессонӣ диққати махсус дода шуд. Инчунин дурнамои роҳандозии васлу насби автомобилҳои барқӣ ва гибридӣ баррасӣ гардид.
Қаторҳои баландсуръати «Hyundai Rotem» дар хатсайри Тошканд – Хива ба ҳаракат оғоз намуда, вақти сафарро ду баробар коҳиш доданд. Масъалаи таҳвили қаторҳои иловагӣ аз ҷониби ширкат низ мавриди муҳокима қарор гирифт.
Зарурати таъсиси маркази хидматрасонии «Hyundai Rotem» дар мамлакат, маҳаллисозии истеҳсоли қисмҳои эҳтиётӣ, инчунин омӯзиши масъалаи истеҳсоли магнитҳо барои муҳаррикҳои барқӣ таъкид гардид.
