Өзбекстанның Ұлттық павильонында 50-ден астам жергілікті компанияның 4800-ден астам өнімі қойылды. Оның ішінде еліміздің былғары-аяқкиім тігу кәсіпорындарының өнімдері де бар.

Бүгінде 300-ден астам экспорттаушы кәсіпорын 4000 атаудағы өнімін шетелге жеткізіп беруде. Өзбекстанның үлкен нарыққа шығуы тағы 200-ден астам кәсіпорынға экспорттық қызметпен айналысуға және шетелге жіберілетін өнім түрін 1000-ға дейін арттыруға мүмкіндік береді.

Мәлімет үшін: Alibaba.com - Қытайдағы ең ірі электрондық коммерция платформасы. Оның жылдық табысы 106 миллиард долларды құрайды. Оның негізгі қызметі компаниялар мен В2В арасындағы онлайн бөлшек сауда операцияларын ұйымдастыру болып табылады. ТМД елдерінің ішінде Өзбекстан Alibaba.com сайтында Ресей мен Қазақстаннан кейінгі үшінші павильон болып табылады.

Алдын ала болжам бойынша, Өзбекстанның былғары аяқкиім өнеркәсібі кәсіпорындарының танымал онлайн сауда алаңына кіруі экспорт көлемін қосымша 50-80 миллион долларға арттырады. Аяқкиім, былғары өнімдері, былғарыдан жасалған киімдердің экспорттық географиясын кеңейтеді. Көтерме және бөлшек сауда кәсіпорындары, сондай-ақ 190-ға жуық шет мемлекеттердің тікелей тұтынушыларымен тікелей сауда байланыстары өнімді тез және оңай өткізуге қызмет етеді.

Қазіргі уақытта Өзбекстанның былғары-аяқкиім және былғары шығаратын кәсіпорындары өз өнімдерін осы алаңға орналастыра бастады. Өзбекстандық кәсіпкерлерге платформадан пайдалану, сауданы жүзеге асыру бойынша Қытайдың Alibaba.com компаниясының қызметкерлері іс жүзіндік көмек көрсетуде, деп хабарлайды «Ўзчармсаноат» ұйымының баспасөз қызметі.