Мемлекет басшысы Шавкат Мирзиёев Самарқанд қаласына жасаған сапарының соңында Хазреті Хизр кесенесіне барып, Өзбекстанның Тұңғыш Президенті Ислам Каримовтың қабірін зиярат етті.
Құран аяттары оқылып, дұға бағышталды.
Марқұмдардың рухына құрмет көрсету, қорымдарды абаттандыру – халқымыздың асыл дәстүрлерінің бірі. Аталған кесене де Мемлекет басшысының бастамасымен салынған және қасиетті зиярат орнына айналған. Қасиетті Рамазан айында осындай игі істер елдің түкпір-түкпірінде айқын көрініс табуда.
Соңғы жылдары ең заманауи стандарттарға сай инфрақұрылымның құрылуы арқасында Самарқанд қаласы халықаралық деңгейдегі ірі іс-шаралар – жоғарғы деңгейдегі саммиттер, конференциялар мен конгрестердің дәстүрлі алаңына айналды.
Ташкент қаласындағы «Жаңа Өзбекстан» саябағында 21 наурыз күні Наурыз мерекесіне арналған салтанатты шара өтті. Өзбекстан Республикасының Президенті Шавкат Мирзиёев жиналған жұртшылыққа арнап құттықтау сөз сөйлеп, халықты Ұлыстың ұлы күнімен шын жүректен құттықтады.
Өзбекстан Республикасының Президенті Шавкат Мирзиёев пен Әзербайжан Республикасының Президенті Ильхам Әлиев 20 наурыз күні телефон арқылы сөйлесіп, бір-бірін және екі елдің бауырлас халықтарын көктемнің ұлы мерекесі – Наурызбен шынайы құттықтап, бейбітшілік, тұрақтылық, өсіп-өркендеу мен молшылық тіледі.
Өзбекстан түкпір-түкпірінде Наурыз мейрамы жоғары деңгейде аталып өтуде. 20 наурыз күні Мемлекет басшысы Шавкат Мирзиёев Ташкент қаласының Бектемір ауданындағы Рахат махалласына барып, мерекелік шараға қатысты.
