Тамаша тау бөктерінде орналасқан бұл аймақтың басты драйвері – туризм. Кейінгі жылдары инфрақұрылым жақсартылып, жылдың барлық мезгілінде демалуға қолайлы жағдайлар жасалды. Демалыс орындары, сауықтыру кешендері, шаңғы базалары, саяхат және қоғамдық тамақтану нысандары салынды. Ескі санаторийлер мен балалар лагерьлері жаңартылды.

Атап айтқанда, бес жыл бұрын ауданда 2 240 орындық 26 нысан болса, осы уақыт аралығында салаға 2 триллион сомнан астам инвестиция тартылып, 13 мыңнан астам орындық 59 ірі туризм нысаны пайдалануға берілді. Негізгі автокөлік жолдары жөнделіп, қосымша жолдар салынды.

Осының нәтижесінде туризм қарқынды дамып, келушілер саны 12 есе артты. Мәселен, бес жыл бұрын Бостандыққа жылына 850 мың турист келсе, биыл 11 айда 12 миллион адам келген.

Бұл қарқын тұрақты түрде жалғасуда. Мемлекет басшысы осындай жобалармен танысты.

Шыршық өзені бойында «Шарбақ қақпасы» туристік кешені салынуда. 25 гектар аумақты қамтитын кешенде 16 көпқабатты үй, 3 қонақүй, 2 супермаркет, 60-тан астам сауда және тұрмыстық қызмет көрсету орындары, кафе мен мейрамханалар, банк бөлімшесі, аквапарк, музыкалық субұрқақ және автотұрақ болады. Ғимараттардың төбесіне күн панельдері орнатылады. Өзен үстіне жаяу жүргіншілер үшін шыны көпірі салынады.

ешен тәулігіне 5 мыңнан астам адамға қызмет көрсетуге қауқарлы. Маусымдық жұмыс орындарын қосқанда, 2 500 жұмыс орны ашылады.

Президент қызмет түрлерін көбейтіп, белсенді туризмді дамыту және осындай кешендерді басқа аудандарда да жобалау бойынша тапсырмалар берді. Сондай-ақ, аймақта экологияға ерекше мән беріп, көгалдандыру жұмыстарын күшейту маңызды екенін атап өтті.