Елімізден 30-ға жуық болашақ дәрігер 35 күндік жазғы тәжірибе курстарына қатысып, өз тәжірибелерін арттырды. Атап айтқанда, олар Анкарадағы беделді ауруханалардың бірінің хирургия, травматология, анестезиология, жан сақтау бөлімдерінде практикалық дағдыларды меңгерді.
Тәжірибелік курстардың соңында Түркия медицина ғылымдары университетінің ректоры Камолиддин Айдинның қатысуымен ұйымдастырылған сертификаттарды тапсыру рәсіміне еліміздің елшілігінің өкілдері де қатысты.
Шарада соңғы жылдары Бұхара мемлекеттік медицина институты жанындағы Түркия медицина ғылымдары университетінің түлектері заманауи білімді игеріп, еліміздегі медицина саласының дамуына зор үлес қосып жүргені айтылды. Биыл Түркияға оқуға және тағылымдамадан өтуге келген студенттер де алған білімдері мен дағдыларын Өзбекстанда пайдалануына сенім білдірілді, деп хабарлайды «Дунё» АА.
«Ибн Сина елінен келген өзбек студенттері қашанда білімге құштарлығымен ерекшеленеді. Бұхара мемлекеттік медицина институты жанындағы факультетіміздің студенттеріне осындай тәжірибелік жаттығуларды алдағы уақытта да ұйымдастыратын боламыз. Болашақта соңғы курс түлектері үшін Түркияда бір жылдық тағылымдамадан өту бағдарламасын енгізуді жоспарлап отырмыз.
Өзбекстанмен қарым-қатынас біз үшін өте қадірлі. Алдағы уақытта еліңіздегі қызметімізді одан әрі кеңейту ниетіндеміз. Атап айтқанда, Бұхара қаласында стоматология факультетінің филиалын ашу жоспарымыз бар. Сонымен қатар, Самарқант мемлекеттік медицина институтымен де бірлескен жобаларымыз бар», - деді ректор Камолиддин Айдин.
