Чехия Республикасының Премьер-министрі Петр Фиаланың шақыруымен осы елде ресми сапармен жүрген Өзбекстан Республикасы Үкіметінің делегациясы Брно қаласында дәстүрлі түрде 60 жылдан бері әр жылы өткізіліп келе жатқан «MSV 2023» халықаралық өнеркәсіп көрмесіне қатысты.
Оның ресми ашылу салтанатында Премьер-Министр Абдулла Арипов сөз сөйлеп, Президент Шавкат Мирзияевтың басшылығымен шетелдік инвесторлар, сауда істері және компаниялар арасында өзара мүдделі ынтымақтастық үшін қолайлы мүмкіндіктер жасалғаны туралы айтты.
Атап өткендей, мемлекеттер өздерінің түрлі салалардағы әлеуетін көрсету, шетелдік инвесторларды ұлттық экономикаға тарту, жаңа серіктерді табу және болашағы зор келісімдерге қол жеткізуде мұндай беделді халықаралық көрмелер маңызды платформа болып табылады.
Ақпарат үшін айта кетейік, бұл көрмеге 43 елден 1260 компания қатысуда. Мұндай кең форматты көрмеге Өзбекстан Республикасының делегациясы алғаш рет жеке стендпен қатысып отыр.
“Made in Uzbekistan” ұлттық стендінде еліміздің металлургия, автомобиль жасау, электротехника, химия өнеркәсібі, құрылыс материалдары өндірісі салаларындағы өнеркәсіптік әлеуетінің үлгілері қойылған.
