Бұл бұқаралық спорт шарасы Өзбекстан Республикасы Президентінің 2020 жылғы 24 январьдағы «Өзбекстан Республикасында дене шынықтыру мен спортты одан әрі жетілдіру және кеңінен насихаттау іс-шаралары туралы» Жарлығына сәйкес Туризм және спорт министрлігі, Өзбекстан жеңіл атлетика федерациясы, Сұрқандария облысы және Денау ауданының әкімшілігі тағы басқа бірқатар спорт ұйымдарымен бірге ұйымдастырылды.
«Save Aral – 2021» спартакиадасын өткізу халық арасында дене шынықтыру мен салауатты өмір салтын насихаттауға бағытталған қадамдардың бірі болмақ. Осы форматтағы іс-шаралардың арқасында, жасы мен дене дайындығы деңгейіне қарамастан, бұқаралық жарыстарға қатысатын белсенді азаматтардың саны артып келеді.
Марафонға жергілікті халықтың өкілдері, оның ішінде Сурхандариядан келген әуесқой жүгірушілер, сондай-ақ білікті де атақты спортшылар, жаттықтырушылар, облыстың жас және еңбек сіңірген спортшылары қатысты.
3000-нан астам ерікті спортшылар қатысқан «Save Aral» халықаралық экомарафонының соңында мәреге бірінші болып жеткен бірқатар жастар ұйымдастырушылар тарапынан мақтау қағаздармен, естелік сыйлықтармен марапатталды.