Халық саны көбейіп, кәсіпорындар мен мекемелер көбейген сайын энергия ресурстарына сұраныстың артуы заңдылық. Өзбекстанда энергия көздерін және тиісінше генерациялау қуаттарын ұлғайту бойынша шаралар қабылдануда. Сонымен бірге бұл қуаттарды ұтымды пайдаланып, энергияны үнемдеу өте маңызды.
Осы мақсатта экономика салаларындағы ескі технологиялар энергияны үнемдейтіндеріне ауыстырылуда. Өнеркәсіптік кәсіпорындарда «жасыл энергия» көздері енгізілуде. Ғимараттардың құрылысында жылуды сақтайтын материалдар қолданылуда. Тұрғын үйлер мен әлеуметтік мекемелерге орнатылған күн батареялары оларды қосымша қуатпен қамтамасыз етуде.
Биылғы жылдың басында өңірлерде электр энергиясы мен табиғи газды үнемдеудің нысаналы индикаторлары қалыптастырылған еді. Ол өндірісті бұзбай энергия тұтынуды тиімді ұйымдастыру арқылы белгілі бір көлемдерді үнемдеуге бағытталған.
Жиында осы бағыттағы жұмыстардың жай-күйі қаралстырылды.
Энергияны тұтынуда ұрлық жағдайы көп болғаны көрсетілді. Мәселен, биыл 15 мың жағдайда табиғи газ, 28 мың жағдайда электр энергиясы ұрланған. Оған себеп, қазіргі жүйе заңсыз байланыстардың алдын алу емес, оның салдарымен айналысатын жүйе жоқ.
Сондықтан мұндай жағдайларға жол бермеу, энергия тұтынуды қатаң бақылауға алып, жауаптылардың жауапкершілігін арттыру керектігі айтылды.
Шетелдік компаниялармен бірлесе отырып, облыста бірқатар жобалар жүзеге асырылуда, станциялар салынуда. Биылғы жылы барлық көздерден 4 гигаватт электр станциясын іске қосу жоспарланған.
Мемлекет басшысы саладағы инвестициялық жобалардың, шетелдік әріптестермен жасалған келісімдердің жоғары деңгейде жүзеге асуы керектігін айтты.
Жиында күзгі-қысқы маусымға дайындық туралы да ақпарат берілді.
Атап өтілгендей, 850 шақырым магистральдық желі және 9 қосалқы станцияны жөндеу жұмыстары басталған. Сондай-ақ, 595 шақырым электр желісі тартылып, бірқатар жаңа қосалқы станциялар іске қосылмақ. Жылу станцияларының тұрақты жұмыс істеуіне қажетті жанар-жағармай және қосалқы бөлшектердің қоры жасақталуда.
Шенеуніктерге энергия өндіруді ұлғайту, инфрақұрылымды жаңғырту және энергиямен қамтамасыз етудің үздіксіздігін қамтамасыз ету міндеті қойылды.
