Сұхбат басында Иран басшысы Мемлекет басшысын кеше Өзбекстанда өткен кезектен тыс Президенттік сайлаудағы сенімді жеңісімен шын жүректен құттықтады.
Иран Президенті сондай-ақ осы елдің жоғарғы діни жетекшісі аятолла Сейед Әли Хаменеидің сәлемі мен құттықтауын жеткізді.
Биылғы жылдың маусым айында Иранға ресми сапарының қорытындысы бойынша қол жеткізілген жоғары деңгейдегі келісімдерді жүзеге асыру мәселелері талқыланды.
Қабылданған «Жол картасына» сәйкес өндірістік кооперация жобаларын жүзеге асырудың қолға алынғаны атап өтілді.
Екі елдің іскер топтары мен өңірлік әкімшіліктері деңгейіндегі байланыстарды қоса алғанда, белсенді диалогтарды жалғастырудың маңыздылығы сөз болды.
Аймақтық күн тәртібіндегі мәселелер, соның ішінде Шанхай ынтымақтастық ұйымы мен Экономикалық ынтымақтастық ұйымы аясындағы ынтымақтастық мәселелері бойынша пікір алмасылды.
