Кездесуде делегация өкілдеріне елімізде көлік-логистика саласын дамытуда жүргізіліп жатқан қарқынды реформалар туралы толық ақпарат берілді.
М.Омаров Өзбекстан тұрақты, сенімді және қауіпсіз көлік тармақтарының инфрақұрылымын құруға инвестиция тарту жөніндегі Еуропа Одағы бастамаларына белсенді қатысуға дайын екенін мәлімдеді. Осы тұрғыдан алғанда өңірлік көлік дәліздерін дамытуға қатысты жобаларға ерекше мән беріліп жатқаны айтылды.
Осыған орай «Қызылорда – Үшқұдық» теміржол желісінің жобасы Өзбекстан мен Қазақстанға айтарлықтай экономикалық пайда әкелу және аймақтық интеграция мен сауда қатынастарын дамытуға үлес қосу тұрғысынан басым бағыт ретінде белгіленген.
Бүгінде Өзбекстан мен Қазақстанның көлік министрліктері жобаның техникалық-экономикалық негіздерін қаржыландыру үшін Еуропа тіктелу және даму банкіне, Еуропа инвестициялық банкке және тағы басқа да халықаралық қаржы ұйымдарына ұсыныстар жасағаны айтылды.
Делегация өкілдері Транскаспий халықаралық көлік дәлізінде құрылған үйлестіру платформасы Орталық Азия мен Еуропаны бір-біріне жақындатуға бағытталған ынтымақтастықтың маңызды қадамы екенін атап өтті, деп хабарлайды Транспорт министрлігінің баспасөз қызметі.