300 гектар аумақта 298 көпқабатты үй салу жоспарлануда. Оның 80-ін биыл кәсіпкерлер тұрғызады.

Сонымен қатар, екі жалпы орта мектеп, үш мектепке дейінгі мекеме, медициналық мекемелері, сауда және тұрмыстық қызмет көрсету нысандары, спорт кешені мен мешіт салынады. 50 гектарды құрайтын шағын индустриялық аймақ халықты жұмыспен қамтуда маңызды рөл атқармақ.

Массивтің ортасында 70 гектар аумақта «Жаңа Өзбекстан бағы» мен жасанды көл құрылады. Қазірдің өзінде 10 мыңнан астам көшет отырғызылған. Барлығы 21 мың көшет отырғызу көзделген.

Сондай-ақ, Ферғана ауданының өңірінде «Жаңа Өзбекстан» массивтері салынады.

Биыл Ферғана облысында барлығы 9 429 пәтерлі 244 көпқабатты тұрғын үй пайдалануға беріледі.

Мемлекет басшысы өңірге коммуникация желілерін тартып, заманауи тұрғын үй қызметін ұйымдастыруды тапсырды.

Осылайша Президент Ферғана облысына жасаған сапарын аяқтап, Ташкентке қайтып оралды.