Шараның басты мақсаты – жүзеге асырылып жатқан біріккен жобалардың атқарылуын талдау және экономиканың басым секторларында жаңа болашағы зор бастамаларды белгілеп алу туралы пікір алмасу болды.
ФДА-мен бірге энергетика, сумен қамтамасыз ету, жасыл экономика, мал шаруашылығы салаларында 500 миллион еуроны құрайтын 4 жоба жүзеге асырылды. Сонымен қатар, Өзбекстан аймақтарында су және орман шаруашылығы, энергетика, банк-қаржы саласын дамыту бағытында 7 жоба әзірленуде, деп хабарлайды Инвестициялар, өнеркәсіп және сауда министрлігінің баспасөз қызметі.
2023 жылдың ноябрь айында Өзбекстан мен ФДА арасында 2023-2025 жылдарға арналған ынтымақтастық бағдарламасына қол қойылған еді. Ол ФДА тарапынан Өзбекстанды болашақта қаржыландыруының негізгі басымдықтарын қамтиды. Су-энергетика және «жасыл» экономика саласындағы ынтымақтастық жалғасады. Сонымен қатар ФДА Арал теңізі өңіріндегі экологиялық тұрақтылықты қамтамасыз ету үшін қажетті инвестицияларды қаржыландыру бойынша жұмыс істейтін болады.
