Өзбекстанның энергетикалық тәуелсіздігін қамтамасыз ету үшін барлық ресурстар жұмсалуда. Соның ішінде су энергетикасының әлеуеті үлкен орын алады. Тағы бір маңызды аспект, мұндай станцияларда күндіз-түні тұрақты энергия алуға болады.
Кейінгі жылдары 15 жаңа су электр станциясы іске қосылды, 12-сі жаңғыртылды, нәтижесінде қосымша 260 мегаватт қуаттар жасалды. Бүгінде гидроэнергетикалық қуаты жылына 6,5 миллиард киловатт-сағат электр энергиясын өндіріп, 2,1 мың мегаваттқа жетіп отыр.
Бұл ретте жеке сектордың қатысуымен гидроэнергетикалық қуаттылықты 1000 мегаватқа ұлғайту және 38 мегаватт 58 шағын су электр станциясын салу мүмкіндігі есептелған.
Жиында осы бағытта атқарылып жатқан жұмыстар туралы есеп берілді. Биыл «Узбекгидроэнерго» акционерлік қоғамында кемінде 7 миллиард киловатт-сағат электр энергиясы өндірілетіні белгілі болды.
Шенеуніктерге «Пском», «Норин» және «Топаланг» өзендерінде белгіленген аумақтарда 36 орта және ірі су электр станцияларын жобалау бойынша тапсырмалар берілді. Сондай-ақ жеке сектордың қатысуымен 9 мегаваттық 26 шағын су электр станциясы салынады.
«Үлкен Әндіжан» каналында 23 мегаваттық 3 дана және «Топаланг» өзенінде 16 мегаваттық 1 су электр станциясын салуға қатысты мәселелер талқыланды.
Биыл кәсіпкерлердің, әлеуметтік саланың және тұрғындардың үйлеріне 1,7 мың мегаватт күн батареяларын орнату жоспарлануда. Бұл бойынша өңірлерде белсенді жұмыстар басталды.
Атап айтқанда, әлеуметтік салада 62 мегаватт, кәсіпкерлер тарапынан 23 мегаватт, жеке үйлерде 20 мегават күн батареялары орнатылғаны айтылды.
Жиында бұл бағыттағы жұмыстарды жеделдетіп, «жасыл энергетиканы» дамыту бойынша кәсіпкерлердің ұсыныстары мен бастамаларын қолдау қажет екені баса айтылды.
