Өзбекстанда кейінгі жылдары барлық секторлардағы бағдарламаларға 31 миллиард доллар тікелей шетелдік инвестиция тартылды. Нәтижесінде соңғы 5 жылда сала 1,4 есеге, экспорт 1,5 есеге өсті.
Алдағы 5 жылда экономиканың тұрақты өсуі үшін саланы тағы 1,5 есеге арттыру, экспортты 30 миллиард долларға жеткізу міндеті тұр. Ол үшін 120 миллиард доллар инвестиция, оның ішінде 70 миллиард доллар шетелдік инвестиция қажет.
Бұған кешенді инвестициялық, өнеркәсіптік және экспорттық саясат арқылы қол жеткізуге болады. Сондықтан Президенттің «Жаңа Өзбекстанның әкімшілік реформаларын жүзеге асыру шаралары туралы» Жарлығына сәйкес Инвестициялар, индустрия және сауда министрлігі құрылды.
Жиында әлемдік қаржы нарықтарындағы жағдайға сүйене отырып, саланың алдында тұрған маңызды міндеттер көрсетілді.
Биылғы жылы 11 миллиард доллардың тікелей шетелдік инвестициясын игеру, ірі инвесторлармен жұмысты шешу міндеттері қойылды. Экономикалық дипломатияны нығайтудың және инвестиция тартуға шетелдегі дипломатиялық өкілдіктердің қатысуының маңыздылығы атап өтілді.
Жыл соңына дейін 304 ірі, 3 мың аймақтық жобаны іске қосу жоспарлануда. Соның нәтижесінде 10 триллион сумдық өнім өндіру жолға қойылмақ.
Мемлекет басшысы өнеркәсіп саласы мен өңірлердегі қосымша резервтерді пайдалану, өнімнің бәсекеге қабілеттілігін арттыру үшін шығындарды азайту жөнінде тапсырмалар берді.
Шетелдік кеңесшілерді тартып, арнайы және шағын индустриялық аймақтарды өңірлік дамудың «драйверлеріне» айналдырып, оларда жаңадан құрылған өндіріс орындарын орналастыру қажеттігі айтылды. Тоқыма, тері, құрылыс материалдары, электр жабдықтары, азық-түлік, фармацевтика, зергерлік бұйымдар сияқты салаларда жаңа өнімдерді дамытып, әлемдік брендтерді шығару арқылы жаңа нарықтарға шығу маңызды сөз болды.
Жиында әлеуметтік мәселелер де талқыланды. Білім беру, денсаулық сақтау, ауыз су және жол инфрақұрылымы бағдарламалары негізінде басым жобаларды қалыптастыру міндеті қойылды.
