Науқастар санының максималды өсімі АҚШ-тың үлесіне байланысты болды - 885 мыңнан астам жағдай. Бірқатар Еуропа елдерінде де бұл сандар күрт өсуде.
Мәселен, 5 январь жағдайына қарағанда, Францияда 322,8 мың адам, Ұлыбританияда 193,8 мың және Италияда 189 мың адам коронавирус жұқтырған. Тіркелген жағдайлардың негізгі бөлігін «омикрон» штаммы құрайды.
Дегенмен, мамандар эпидемиологиялық жағдайдың ауырлығын жұқтырғандар санымен емес, ауруханаға жатқызылғандар санымен бағалау керек дейді.
Өйткені «омикрон» қаншалықты тез таралса да, ауруханаға жатқызу және өлім көрсеткіші «дельтаға» қарағанда айтарлықтай төмен.
Дүниежүзілік денсаулық сақтау ұйымының сарапшысы Әбди Махмуд бұл жағдайды жаңа штамм коронавирустың басқа нұсқалары сияқты өкпені емес, тек жоғарғы тыныс жолдарын зақымдайтынымен түсіндірді. Бұл аурудың салыстырмалы түрде жеңіл белгілері бар науқастарда өтуде.
Қаншалықты профилактикалық шаралар күшейтілсе де, вирустың бұл түрі шекараны мойындамайды. Мәселен, Грузияда «омикронның» алғашқы тіркелу 20 декабрьде анықталды. Бірақ көп ұзамай жаңа штамм жұқтырғандар саны 147-ге жетті.
Қытай қазір 2022 жылғы қысқы Олимпиада ойындарына қызу дайындық жасап жатыр. Осындай маңызды кезеңде, егер елде пандемияның жаңа толқыны басталса, бәрі тоқтап қалуы мүмкін.
Сондықтан Қытай үкіметі ауруға қарсы өте қатаң шаралар қабылдауға мәжбүр болуда. Мысалы үшін, Ючжоу қаласында 3 адамға коронавирус диагнозы қойылғаннан кейін бүкіл аймақта қатаң оқшаулау енгізілді.
Қалада қоғамдық көлік қозғалысы біраз уақытқа тоқтатылып, жеке көліктерді пайдалануға тыйым салынды. Тұрғындарға аса қажет болмаса үйден шықпауға кеңес беріледі.
Осындай күрделі жағдайда Францияның Марсель қаласындағы Жұқпалы аурулар институтының ғалымдары тағы бір үрейлі жаңалықты жариялады.
Екі ай бұрын Камерунда анықталған коронавирустың жаңа «IHU» - B.1.640.2 штаммы Францияда да таралып жатқаны атап өтілді. Зерттеушілер жаңа нұсқада 40-тан астам мутация бар екенін айтты. Оның қауіптілік деңгейі әлі белгісіз. Жаңа штамм Францияның оңтүстік-шығысындағы қалаларда тұратын 12 азамат тіркелді, деп хабарлайды Денсаулық сақтау министрлігінің баспасөз қызметі.
