Жамшид Ходжаев Вашингтонда бірқатар кездесулер өткізді

    Өзбекстан Республикасы Премьер-министрінің орынбасары Жамшид Ходжаев басшылығындағы Өзбекстан делегациясы Вашингтонға сапармен барды, Америка Құрама Штаттарының ремилері мен жетекші Америка компанияларының өкілдері және басшыларымен бірқатар кездесулер өткізілді.

    Атап айтқанда, АҚШ Мемлекеттік хатшысының Оңтүстік және Орталық Азия бойынша көмекшісі Дональд Лу, АҚШ Сауда министрінің орынбасары Алан Эстевес, АҚШ Сауда өкілінің орынбасары Сара Бянки, АҚШ пен Өзбекстан Сауда палатасының (AO'SP) төрағасы Керолин Леммен тағы басқа да ресмилерімен келіссөздер жүргізілді.

    АҚШ Мемлекеттік хатшысының көмекшісі Дональд Лумен кездесуде Өзбекстан мен Біріккен Штаттар арасындағы стратегиялық серіктестікті одан әрі кеңейту және нығайту мәселелері талқыланды. Америка тарапы Өзбекстанда жүзеге асырылып жатқан ауқымды реформаларды құптап, ірі жобаларды жүзеге асыруды көздей отырып, ынтымақтастықты жалғастыруға дайын екенін айтты.

    Сұхбат кезінде сауда және инвестициялық ынтымақтастықтың қазіргі жағдайы қаралды. Осы бағыттар бойынша тараптар қарым-қатынастарды кеңейту үшін үлкен мүмкіндіктер бар екенін айтып, Өзбекстанның Дүниежүзілік сауда ұйымына (ДСҰ) мүше болу үдерісін жеделдету аясында ынтымақтастықты дамытуға келісті.

    АҚШ Сауда министрінің орынбасары, Өнеркәсіп және қауіпсіздік бюросының басшысы Алан Эстевеспен сұхбат барысында сауда ағынын кеңейту мәселелері бойынша пікір алмасылды. Америкалық тарапы Өзбекстанның сыртқы сауда үдерісінің тиімділігін арттыруға бағытталған іс-әрекеттерін жоғары бағалады. Тиімді ынтымақтастықты кеңейту және өзара сауда көлемін арттыру мақсатында біріккен жұмысшы топты қалыптастырып, Өзбекстандағы министрліктер, кеңселер, коммерциялық банктер өкілдерінің біліктілігін арттыруда, тренингтер ұйымдастыру маңыздылығы айтылды.

    АҚШ Сауда өкілінің орынбасары Сара Бянкимен болған сұхбатта Өзбекстанның инвестициялық тартымдылығын нығайту, сауда кедергілерін жою және сауда операцияларын одан әрі жеңілдету мәселелері талқыланды. Кездесуде Өзбекстанда энергетика, машина жасау, тоқымашылық өнеркәсібі, ауыл шаруашылығы, фармацевтика және тағы басқа да салаларда біріккен инвестициялық жобаларды жүзеге асырып жатқан АҚШ компанияларының нәтижелі қызметі атап өтілді.

    Өзара сауда-экономикалық ынтымақтастықты кеңейту бойынша кезектегі іс жүзіндік шараларды белгілеу мақсатында бірқатар қосымша кездесулер мен келіссөздер жүргізуге келісілді.

    Сапар барысында Америка-Өзбекстан Сауда Палатасының (AO‘SP) мүшелері, Америка ірі бизнес басшыларының қатысуымен «дөңгелек үстел» сұхбаты ұйымдастырылды.

    Шараға қатысушыларға елімізде инвестициялық ортаны жақсарту бойынша атқарылып жатқан жұмыстар, енгізілген жеңілдіктер мен преференциялар, инвесторлардың құқықтарын қорғау саласындағы заңдылықты жетілдіру, сондай-ақ жекешелендіру үдерістерін кеңейту және экономикадағы мемлекеттің үлесін қысқарту туралы тұсаукесер өткізілді.

    АҚШ-тың ірі бизнесінің өкілдері елімізде жүргізіліп жатқан реформалардың жоғары тиімділігін атап өтіп, біріккен технологиялық жобаларды жүзеге асыру үшін бірқатар салаларда екі елдің ірі компаниялары арасында тікелей ынтымақтастық орнатудың маңыздылығына назар аударды, деп хабарлады Инвестициялар, өнеркәсіп және сауда министрлігінің баспасөз қызметі.

    No date selected
    March 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates