Атап айтқанда, 16-17 июньде Қарақалпақстан Республикасы, Хорезм облысында, 17-19 июньда Өзбекстанның қалған жерлерінде ауа температурасы күндіз 40-42 градусқа дейін, ал оңтүстік және шөлейт аймақтарда кей жерлерде 43-44 градусқа дейін көтеріледі.

Денсаулық сақтау министрлігінің баспасөз қызметі аптап ыстық күндері әсіресе балалардың, қарттардың, жүкті әйелдердің, созылмалы дертке шалдыққан науқастардың денсаулығына мұқият болуды ұсынады.

Сағат 10:00-ден 17:00-ге дейін салқын және көлеңкелі жерлерде болған жөн. Көшеге шығу қажет болса, табиғи, ашық түсті, мақта матадан жасалған киімдер, жеңіл бас киімкүю және күннен қорғайтын көзілдірік таққан мақсатқа сай.

Ыстық ауа райында күніне кемінде 3 литр сұйықтық ішу маңызды. Бірақ, төмен температурада салқын сусындарды ішуден аулақ болу керек.

Газдалған, энергетикалық және алкогольді сусындарды, кофені пайдаланбау қажет. Майлы, ысталған тағамдарды емес, жемістер мен көкөністерді көбірек жеу ұсынылады.

Күні бойы жылы душ қабылдау және анда-санда салқын суға малынған сүлгімен денені сүрту де денені қызып кетуден сақтайды.

Күн өтуі - өте қауіпті жағдай болып, жәбірленушіде көңіл айну, бас айналу, құсу, мұрыннан қан кету, құлақтарда шуыл, бұлыңғыр көру, жүрек соғу жиілігі мен тыныс алу күшейеді. Кейбір жағдайларда тұтқанақ тұтуы, сандырақтау, галлюцинациялар және есінен тануы мүмкін.

Мұндай жағдайда ең алдымен оны салқын жерге көшіру керек. Содан кейін оны көлденең жатқызып, аяғын сәл көтеріп, киімін шешіп, бетін салқын сумен жуып, жүрек аймағына дымқыл шүберек қойыңыз. Сондай-ақ, оған ішуге айран беріңіз және дереу дәрігермен кеңесіңіз.

Сондай-ақ, ыстықта ауыр физикалық белсенділікпен айналысу сусыздану және шаршау қаупін айтарлықтай арттырады. Мұндай жағдайларда жүрек- қан тамыр жүйесіне жүктеме артады, бұл инфаркт немесе инсультке әкелуі мүмкін.

Сондықтан созылмалы аурулары (гипертония, жүрек ауруы, семіздік) бар адамдар аптап ыстықта физикалық белсенділікті шектеп, қажет болған жағдайда дәрігерге қаралуы керек.