— Найроби ең көп зардап шеккен аймақ, онда 36 адам қаза тапты, делінген хабарда.
Сонымен қатар, нөсер жаңбыр салдарынан болған су тасқыны шамамен 2,6 мың отбасын үйлерін тастап кетуге мәжбүр етті және инфрақұрылымның айтарлықтай бүлінуіне әкелді.
— Іздеу-құтқару жұмыстары бүкіл ел бойынша жалғасуда, деп қосты полиция.
Полиция азаматтарды барынша сақ болуға, сондай-ақ жаңартылған ақпаратты мұқият қадағалап, мамандардың ұсыныстарын қатаң орындауға шақырды.
Ауа райы қызметінің мәліметінше, алдағы күндері жаңбыр жалғасады.
Кенияда 6 наурыздан бері нөсер жаңбыр салдарынан су тасқыны байқалып жатыр. Көршілес Эфиопия да қатты зардап шекті: елдің оңтүстігінде болған көшкін мен су тасқынынан кемінде 107 адам қаза тапты, деп хабарлайды kazinform.
