— Найроби энг кўп зарар кўрган ҳудуд бўлиб, у ерда 36 киши ҳалок бўлди, дейилади хабарда.
Бундан ташқари, кучли ёмғир оқибатида юзага келган сув тошқини тахминан 2,6 минг оилани уйларини тарк этишга мажбур қилди ва инфратузилманинг катта даражада вайрон бўлишига олиб келди.
— Қидирув-қутқарув ишлари бутун мамлакат бўйлаб давом этмоқда, дея қўшимча қилди полиция.
Полиция фуқароларни ниҳоятда эҳтиёткор ва ҳушёр бўлишга, шунингдек, янгиланган маълумотларни диққат билан кузатиб боришга ва мутахассисларнинг тавсияларига қатъий риоя қилишга чақирди.
Об-ҳаво хизмати маълумотларига кўра, яқин кунларда ёмғир ёғиши давом этади.
Кенияда 6 мартдан бери кучли ёмғир туфайли сув тошқини кузатилмоқда. Яқин атрофдаги Эфиопия ҳам ёмғирдан жиддий зарар кўрди. Мамлакат жанубидаги кўчки ва сув тошқинида камида 107 киши ҳалок бўлди, деб хабар берди kazinform.
