Құжаттар kasb.edu.uz электронды платформасы арқылы қабылданады. Құжатты қабылдау 15 авгусқа дейін ұзартылды.

Жоғары білім министрлігінің баспасөз қызметі коллеждер мен техникумдарға қабылдау параметрлері бекітілгенін хабарлады.

Жоғары және орта арнаулы білім министрінің бұйрығына орай, 2022/2023 оқу жылында коллеждер мен техникумдарға күндізгі, кешкі, сырттай және дуалды оқыту түрлері бойынша жалпы 139 638 қабылдау квотасы бар.

Сондан 149 колледж үшін — 59 460 квота, 194 техникум үшін — 80 178 квота берілді.