Елдеріміз арасындағы екіжақты байланыстарда еңбек қатынастарына қатысты бағыттың маңыздылығы, осы бағыттағы жобаларды жүзеге асырудың құқықтық негіздерін бірлесіп әзірлеу, лайықты еңбек, қолайлы және қауіпсіз еңбек жағдайларын жасау сынды мәселелер талқыланды.
Еңбек миграциясының ұйымдасқан формасын кеңейту, республикадан тыс жерге жұмысқа шығатын азаматтардың еңбек және әлеуметтік құқықтарын қорғауды қамтамасыз ету, шетелден оралған еңбек мигранттарын кәсіпкерлік пен еңбекке кеңінен тарту бойынша біріккен жобаларды іске асырудың маңыздылығы атап өтілді.
Әр жылы Өзбекстанның еңбек базарына 600 мың жуық жастың шығатыны ескеріліп, олардың жұмыссыздығын жою және жұмыс орындары алдағы уақытта өзгерту, оларды оқытып, кәсіпке мекендік баулу бағытында ынтымақтастықтағы жобаларды жүзеге асыру жөнінде пікір алмасылды.
Мұнда Өзбекстанда кәсіп-өнерге оқытуда және өзбектандық жұмысшылардың еңбек базарында бәсекеге қабілеттілігін арттыруға көмектесіп жатқан «KOICA» халықаралық ынтымақтастық агенттігінің ұстанымына ерекше тоқталды.
Корея Республикасының Жұмыспен қамту және еңбек министрі Ли Жун Сиктің июль айында Өзбекстанға сапары барысында қол жеткізілген келісімдерді, атап айтқанда, Өзбекстан Республикасы мен Оңтүстік Кореяның тиісті министрліктері арасындағы ынтымақтастық туралы меморандумға қол қойылылуы екіжақты қарым-қатынастарды жаңа деңгейге шығаруы айтылды.
Кездесу соңында осы меморандумды жүзеге асырудың кезең-кезеңімен «Жол картасын» әзірлеу, сонымен қатар біріккен тренингтер өткізу, статистикалық мәліметтер мен мамандар алмасуын ұйымдастыру бойынша келісімге қол жеткізілді, деп хабарлайды Олий Мажлис Сенатының баспасөз қызметі.
