Мұнда Мемлекет басшысының кластерлік идеясы негізінде мақта өсіру мен терең өңдеудің толық индустриялық «тізбесі» жасалған. Жобаның алғашқы кезеңінің аясында 21 миллиард сумға жуық инвестиция салынып, заманауи тігін фабрикасы құрылды.
Түркия мен Италиядан әкелінген құрал-жабдықтармен жабдықталған кәсіпорын жылына 6 миллион дана дайын тоқыма бұйымдарын шығаруға қауқарлы. Кіріс бойынша 100 миллиард сумға жуық жоғары сапалы киім тігу және 2 миллион доллардан астам дайын өнімді экспорттау жоспарланған.
Қазір фабрикада 320 қыз-келіншектер жұмыс істейді. Президент олармен әңгімелесіп, жұмыстарына сәттілік тіледі.
Кластерге тиесілі жіп иіру мен мата тоқу қуаты осы жылдың шілде айында пайдалануға беріледі. Оларда тағы 700-ге жуық жұмыс орны ашылады.
Мемлекет басшысы осында сала мамандары және мақта-тоқыма кластерлерінің жетекшілерімен әңгімелесті.
– Біз қазіргі кластерлік жүйемен жеңіл кезеңге аяқ бастық. Енді сапа, баға, нарық жағынан жол ашық. Сондықтан кластерлеріміздің шетелге іс-сапарлары мен көрмелерін ұйымдастыру қажет, – деді Мемлекет басшысы.
Тоқыма кәсіпорындарын тұрақты шикізатпен қамтамасыз ету үшін мақта өнімділігін арттыру, жасанды талшық өндіру және оны тиімді пайдалану бойынша ұсыныстар берілді.
