Мемлекет басшымыздың бастамасымен құрылған бұл орталық ислам өркениетінің баға жетпес мұрасын сақтау және дәріптеуге арналған, сондай-ақ ғылыми зерттеулер мен білім беру бағыттарын біріктірген тарихымыздағы алғашқы кешен саналады.
Кешен ұлттық сәулет дәстүрі мен заманауи нақыштар үйлесімінде салынған. Ғимараттың төрт жағында биіктігі 34 метрлік мұнара, ал орта бөлігінде биіктігі 65 метр болатын ұлттық үлгідегі күмбез бой көтерген.
Әзербайжан Президенті Ильхам Әлиев, Тәжікстан Президенті Эмомали Рахмон, Қырғызстан Президенті Садыр Жапаров, Қазақстан Президенті Қасым-Жомарт Тоқаев және Президент Шавкат Мирзиёев мұсылман әлемінің аса қымбат рухани мұрасы саналатын Осман Мусхафи сақталған Құран залына барды. Құранның ең көне қолжазбаларының бірі саналатын бұл жәдігер үлкен тарихи және мәдени маңызға ие, әрі өңір халықтарының өркениеттік бірегейлігін қалыптастырған терең рухани байланыстарды бейнелейді.
Басшылар, сондай-ақ, «Исламға дейінгі өркениеттер», «Бірінші Ренессанс», «Екінші Ренессанс» және «Жаңа Өзбекстан – жаңа Ренессанс» бөлімдерімен танысты.
Атаулы залдарда ұлы ғалымдарымыз Имам Бұхари, Имам Термизи, Әбу Мансур Матуриди, Бахауддин Нақшбанд және басқа да ғұламалардың бай ғылыми әрі рухани мұрасы көрсетілген. Көрмеде саманилер, қараханилер, хорезмшахтар, темір әулеті және өзге де әулеттер дәуіріне қатысты қолжазбалар мен олардың көне өзбек тіліндегі аудармалары да қойылған.
Басшылар аймақ елдері арасындағы мәдени байланыстарды нығайтудың, рухани-ағартушылық жобаларды ілгерілетудің және ортақ гуманитарлық құндылықтарды дамыту мазыды екенін атап өтті.
Аймақтың бай ортақ мұрасын сақтау және насихаттау бағытында Өзбекстанның ауқымды бастамалары жоғары бағаланды. Кешен заманауи зерттеу орталығы ретінде қызмет ететініне әрі аймақ елдерінің ғылыми, білім беру және мәдени ынтымақтастығы үшін жаңа мүмкіндіктер ашатынына сенім білдірілді.
