Мемлекет басшысы екі жыл бұрын осында келіп, бар стадионға іргелес аумақта заманауи кешен тұрғызу қажеттігін айтқан еді. Көп ұзамай, 2023 жыл 3 қарашада «Футбол-білім беру мекемелері желісін кеңейту және халықаралық стандарттарға сәйкес келетін футбол инфрақұрылымын дамыту шаралары туралы» Президент қаулысы қабылданды.
Тәуелсіздік мерекесі қарсаңында пайдалануға берілген бұл орталық – осы бағыттағы аса маңызды буын. Мұнда бір мезгілде ұлттық құрамамыздың 6 оқу-жаттығу жиынын өткізуге мүмкіндік бар. Ол үшін стадиондар, оқу ғимараттары, спорт залдары, қонақүй салынған. Пляж футболы алаңы, футзал манежі, бассейн мен реабилитация бөлімі қосымша жағдай жасаған.
Кешенде кәсіби футболшы және мамандар даярлау үшін төрт құрылым ұйымдастырылды. Олар – Футбол мамандарын даярлау және ғылыми-зерттеу орталығы, Футбол құрамаларының дайындық орталығы, Республикалық футбол академиясы, Спорт медицинасы және реабилитация орталығы.
Мемлекет басшысы осында жасалған жағдайлармен танысты.
Футбол медицинасы мен реабилитация бөліміне шетелдік құрал-жабдықтар әкелінген, ең озық әдістер игерілген. Бұл футболшыларға қысқа уақыт ішінде физикалық тұрғыдан қалпына келуге мүмкіндік береді.
Футбол академиясында жас таланттар іріктеліп, тәрбиеленеді. Мұны халықаралық деңгейде ұйымдастыру үшін орталыққа Аргентина, Венгрия және Хорватия сынды елдерден мамандар тартылған. Олар білікті бапкер, төреші, талдаушы, іріктеуші және футбол менеджерлерін даярлауға қатысуда. Кешенде «VAR орталығы» да ашылған.
Мемлекет басшысы осы жерде спорт ардагерлері және жас футболшылармен әңгімелесті. Өзбекстанда футбол ең жалпыға ортақ спорт екені, оны дамыту жүйелі түрде жалғаса беретіні атап өтілді.
Соңғы жылдары футбол жүйесі түбегейлі жақсарды. Балалар футболынан бастап үйірмелер, академиялар, клубтар, чемпионаттарға дейін назар күшейді. Нәтиже бірінен соң бірі көрініп отыр. Олардың ең бастысы – Өзбекстан тарихында тұңғыш рет ұлттық құрамамыздың әлем чемпионатына шыққаны болды.
Тағы бір даңқты жетістік сәуірде Сауд Арабиясында өткен Азия кубогында қол жеткізілді. 17 жасқа дейінгі жасөспірімдер құрамамыз онда бірінші орынды иеленіп, әлем чемпионатына жолдама алған еді.
Президентіміз осы қаһарман футболшыларымызбен кездесіп, оларға ықылас-ниетін білдірді.
– Біз барлық салада әлемде лайықты орын алуға ұмтылып келеміз. Спортшыларымыз мұны тезірек жеткізе алады. Сіздер жігерлі жеңістеріңізбен халқымыз еңбек етсе, әрекет қылса, бәріне қауқарлы екенін тағы бір мәрте дәлелдей түстіңіздер. Бүкіл әлем сіздің бейнеңізде жігерлі, рухы биік, ешқашан алған бетінен қайтпайтын жаңа Өзбекстан ұрпағын көрді. Енді футболды қазіргіден 2–3 есе көбірек қолдаймыз. Сіздердей жастар – халқымыздың сенімі, Президенттің қуанышысыздар, – деді Шавкат Мирзиёев.
Спортшылар бұл жағдайлар үшін Мемлекет басшысына алғыс айтып, халық сенімін ақтауға уәде берді.
