Инфо-тур барысында соңғы жылдары әсем табиғатымен саяхатшыларды қызықтырып келе жатқан Шахрисабз ауданындағы жаңа туризм нысандарымен жақыннан таныстырылды.
Аудандағы «Мираки» махалласында өткен туризм тұсаукесерге Экономикалық ынтымақтастық ұйымының Бас хатшысы Хусрав Нозири де қатысты. Онда махалланың туризм мүмкіндіктері қарастырылып, белгіленген талаптарға сәйкес, «Миракиге» «Туризм махалласы» мәртебесі берілді.
«Өткен жылы «Мираки» махаласына келген шетелдік туристер саны мыңға артты. Жергілікті саяхатшылардың келуі 1 миллион адамға жақындады. Биыл бұл көрсеткіштер бірнеше есеге артады деп отырмыз. Бұған бізде жеткілікті негіз бар. Бұл махалла бір мезгілде 6 500 саяхатшыға қызмет көрсете алады. Болашақта туризм инфрақұрылымын одан әрі дамыту үшін «Туризм махалласы» мәртебесі маңызды рөл атқарады», - деп айтты Шахрисабз ауданының әкімі Самад Хасанов.
Мәлімет үшін, “Мираки” МАЖда 3 мәдени мұра нысаны, 30-дан астам табиғи туризм орындары және 19 орналастыру орны және 120-дан астам отбасылық қонақ үй бар.
Қашқадария облысының Шахрисабз қаласынан 35 шақырым жерде орналасқан Мираки туризм махалласы 2023 жылы 800 мыңға жуық шетелдік және жергілікті саяхатшыларға қызмет көрсеткен.
Аумақтың өзіне тән «шақырту қағазына» айналып келе жатқан Хисорак су қоймасының айналасында саяхатшылар үшін «Тамаша алаңы» мен «Аспалы жолы» бар, деп хабарлайды Туризм комитетінің баспасөз қызметі.
