Көрменің ашылу салтанатына Өзбекстан Республикасы Премьер-министрінің орынбасары Жамшид Худжаев, Ресейдің Өнеркәсіп және сауда министрі Денис Мантуров және Мәскеу мэрі Сергей Собянин қатысты.
Павильон 5 көрме залынан құралған, онда дәстүрлі өзбек бейнелеу өнері мен ең жақсы ағаш оюы бар бұйымдар қойылған. Сондай-ақ, өзбектің ұлттық керамика бұйымдары, зергерлік өнімдер, қолдан тоқылған жібек кілемдерді көруге болады.
«Өзбекстанның туристік әлеуеті» залында Самарқант, Бұхара, Хиуа, Қоқан қалаларының тарихи орындарына виртуалды саяхат жасап, ұлттық туроператорлардың ұсыныстарымен танысу мүмкіндігі жасалған.
Сондай-ақ жаңартылған павильонда келіссөздер, тұсаукесерлер, бизнес-семинарлар мен шеберлік сабақтарын өткізуге арналған заманауи бизнес аймағы, көркем галереясы мен арт-кафе ұйымдастырылған.
Мәдени мұра көрмесін ұйымдастыру үшін Өзбекстан Республикасының Мәдени мұра агенттігі, «Хунарманд» бірлестігі және Көркемөнер академиясымен бірлесіп, заманалық өнер және қолөнершілік бұйымдары, экспонаттар мен түпнұсқадағы картиналар көрмеге қойылды, деп хабарлады Туризм комитетінің баспасөз қызметі.
