Кешегі келіссөздер соңында Мемлекет басшысы өзбек пен әзірбайжан халықтары арасындағы қарым-қатынастың тарихы бүгінгі көпқырлы ынтымақтастықтың берік негізін салғанын атап өтті.

Шынында да, бауырлас екі халық ежелден бір-бірінің мәдениетін байытып келеді. 2500 жылдан астам тарихы бар Хиуа бұл тұрғыда маңызды рөл атқарған.

Осыған байланысты Өзбекстан мен Әзірбайжан Президенттерінің осы көне шаһарға сапарлауының маңызы ерекше.

Ичан қала қорғаны тарихи-ескерткіш ретінде ерекшеленеді. Мұнда 120-дан астам сәулет ескерткіштері бар. Сондықтан Хиуа қаласы 1990 жылы 12 желтоқсанда ЮНЕСКО-ның Бүкіләлемдік мұралар тізіміне енді.

Мемлекет басшылары Ұлы қақпадан кіріп, Көк мұнараны, Көне арк сарайын, Шерғозихан медресесін, Жұма мешітін, Тасты ауланы, Ғұламалар мұражайын аралады.

Хорезм әндері мен билерін орындау қонақтарға көтеріңкі көңіл-күй сыйлады.

Президенттер Ичан қаланың жанындағы Нуриллабой сарайында да болды.

Бұл кешенді 1884 жылы Хиуа ханы Мухаммед Рахымхан Феруз салған. Кейінірек бес ауладан тұратын қосымша ғимараттар да бой көтерген. Сарайда шығыс және еуропалық стильдегі сәулет өнерінің тамаша үйлесімі бар. Тағы бір қызық жайт, ХХ ғасырдың басында дәл осы сарайда көптеген саяси процестер орын алған.

Хиуаның мемлекеттілік пен ғылымды дамытудағы рөлі, көне ескерткіштері мен өнері әзірбайжандық қонақтарда үлкен әсер қалдырды.