Республикалық мамандандырылған аллергология және клиникалық иммунология ғылыми-практикалық орталығының директоры, медицина ғылымының докторы, профессор Ильмира Разикова былай түсіндірді.

— Көктемде күннің ультракүлгін сәулелену көрсеткіші жоғарылайды, — дейді маман. — Нұрлану түс кезінде максималды деңгейге жетеді және түстен кейін сағат 16:00-ге дейін өте белсенді болып қалады.

Ал, мұның несі қауіпті, дейтін шығарсың. Өйткені, дәл осындай жағдайда терінің күн сәулесі сезімталдығының артуының нәтижесінде фотодерматоз ауруы пайда болады. Статистикаға сәйкес, бұл ауру қазір әлем халқының шамамен 20 пайызы зардап шегеді.

Шын мәнінде, күн сәулесінің өзі аллерген болып саналмайды. Дегенмен, ультракүлгін сәулесі теріге немесе адам ағзасындағы кез келген затқа әсер еткенде, аллергиялық реакция пайда болуы мүмкін.

Нәтижесінде мойынның, қолдың және кеуденің жоғарғы бөлігінде көпіршіктер, бөртпелер, қызыл дақтар, күйік түрінде әртүрлі бөртпелер пайда болады. Кейде терінің бөртпесі, қышуы және ісінуі де байқалады.

Бөртпелер күннің алғашқы сағаттарынан бастап бір аптаға дейін пайда болады. Көбінесе фотодерматоздың белгілері емдеуден кейін жоғалады. Бірақ бұл жағдай адамдарда өмір бойы болуы да мүмкін.

Сол себепті көктемнің шуақты күндерінде сағат 11:00 ден 16:00-ге дейін күннің сәулелену кезінде ұзақ жүрмеуді, егер қажет болса, бас киім кию, қол жатыр ұстауды, көзілдірік тағыу және мүмкіндігі барынша жабық киім киюді ұсынамыз.

Сезімтал теріге арналған күннен қорғайтын кремдерді қолданған жөн. Бірақ кейбір препараттардың фотодерматозды тудыратынын немесе ауруды күшейтетінін ұмытпау керек. Сондықтан препаратты қолданар алдында дәрігермен кеңесу қажет.

Атопик дерматитті емдеуде қолданылатын «Элидел» немесе «Протопик» жақпа майларын қолданатын науқастарға күн астында жүруге тыйым салынады. Немесе бұл құралдарды түстен кейін кешке дейін қолданған дұрыс.

Сондай-ақ, Эритромицин, Тетрациклин және Стрептомицин сияқты препараттар ультракүлгін сәулелерді күшті тартатын қасиетке ие. Бұл жақпа майларды қабылдаған немесе бет аймағына жаққан науқастар ыстық күндері күндіз далаға шықпауы керек.

Ультракүлгін сәуленің әсерінен науқастарда фотодерматоз белгілері байқалса, Республикалық мамандандырылған аллергология және клиникалық иммунология ғылыми-практикалық медицина орталығына және оның аймақтық филиалдарына хабарласуға болады.

Маманмен сұхбатты Денсаулық сақтау министрлігінің баспасөз қызметі жүргізді.