Өзбекстанның медицина қызметкерлері В.А.Алмазов атындағы Ресей Ұлттық медициналық ғылыми-зерттеу орталығының базасында 72 сағаттық «Клиникалық акушерлік» симуляциялық курсын өтеді.
Өзбек мамандарының ең үздік шетелдік медициналық ұйымдарында біліктілігін арттыруы озық шетелдік тәжірибені, инновациялық әдістерді тиімді игеруге, кейіншелік Өзбекстанның барлық аймақтарына заманауи технологияларды енгізуге мүмкіндік береді. Бұл жолы делегация құрамында «РМА және БДҒПМО» МК және олардың аумақтық филиалдарының мамандары Ташкент, Қаршы, Самарқант, Бұхара, Қоқан, Әндіжан, Нөкіс қалаларының өкілдері бар.
Петербургтың В.А.Алмазов атындағы Ұлттық медициналық зерттеу орталығы — ҰМЗО-мен бірге ынтымақтастық бойынша 2023 жылдың 22 сентябрінде білім және ғылыми-зерттеу қызметі саласында ынтымақтастық туралы меморандумға қол қойғаннан кейін жаңадан дами бастады.
Айта кету керек, В.А. Алмазов атындағы Ұлттық медициналық зерттеу орталығы Ресей Федерациясының ең ірі ғылыми-емдеу мекемелерінің бірі болып табылады. Ол сонымен қатар Times Higher Education Impact Rankings 2023 халықаралық рейтингінде әлемдегі ең үздік жүз оқу орындарының қатарына кіреді.
«Алмазов орталығы жүрек-қан тамырлары аурулары, қант диабеті мен эндокринопатиямен ауыратын жүкті әйелдерді емдеуге маманданған. Жинақтаған тәжірибе мен білімдерді өзбекстандық мамандармен бөлісуде озық технологияларды жоғарыдағы сияқты науқас әйелдерді емдеуге енгізу, медициналық қызмет көрсетіп жатқан әйелдердің қанағаттануын арттыруды мақсат еткен», — дейді В.А. Алмазов атындағы ҰМЗО-ның акушерлік және гинекологиялық кафедрасының меңгерушісі, медицина ғылымдарының докторы, профессор Ирина Зазерская.
Білім үдерісі барысында Өзбекстаннан келген мамандар қауіпті топтағы әйелдердің соматикалық аурулары мен акушерлік асқынуларды диагностикалау, алдын алу және емдеудің заманауи технологияларымен танысты. Жаңа білімдер жүктілік пен босану кезіндегі медициналық көмектің сапасын арттыруға, ана өлімі мен перинаталдық өлім көрсеткіштерін төмендетуге мүмкіндік береді.
Сонымен қатар, Санкт-Петербург мамандарымен бірлескен ғылыми зерттеулерді, телемедицинаны, Ресей Федерациясы мамандарының Өзбекстанға сапарлары, тұрақты түрде тағылымдамаларды ұйымдастыру жолға қойылған.
Курс тыңдаушылары қайтқан соң облыстық, қалалық және аудандық деңгейдегі мекемелердің дәрігерлерін жаңа білімімен таныстыру мақсатында каскадтық тренингтер циклі ұйымдастырылады. Сонымен қатар курс барысында қолданылатын симуляциялық білім беру технологиялары «РМА мен БДҒПМО» МК өзінің оқу орталығында тәжірибеде қолданылады.
Сапар аясында Санкт-Петербург Мемлекеттік педиатриялық медицина университеті мен оның Федералдық клиникасына бару да ұйымдастырылды. Тараптар бірлескен ғылыми зерттеулер мен тәжірибе алмасу бойынша ынтымақтастық жасауға келісті.
Кездесу барысында, Педиатрия университеті Өзбекстанмен бұрыннан бірлескен білім беру бағдарламасын жүзеге асыруға кіріскендігі, Ресей жоғары оқу орнының оқытушылары Өзбекстан дәрігерлері үшін оқу циклдерін жүргізуге, әр екіжақта тәжірибе алмасуға дайын екендігі айтылды.
Республикалық мамандандырылған ана мен бала денсаулығы ғылыми-практикалық медициналық орталық.
