Бұл станция Үлкен Наманган магистраль каналы бойында орналасқан болып, оның көмегімен 815 гектар жер суғарылады. Алайда агрегаттардың ескіруі салдарынан тиімділігі төмендеп, энергия шығыны көп еді. Мәселен, жыл сайын шамамен 6 миллион киловатт-сағат электр энергиясы жұмсалатын.
Кәсіпкер тарапынан мемлекеттік-жекеменшік әріптестік негізінде мұнда энергия үнемдейтін агрегаттар мен заманауи қондырғылар орнатылды. Жаңартылған жүйе жылына қырық пайызға дейін электр қуатын үнемдеуге мүмкіндік беруде.
Үнемділікпен қатар, жаңа сорғылардың су шығару қуаты да жоғары. Бұл егістік алқаптарының суарылу көлемін кеңейтіп, өнімділікті арттыруға қызмет етеді.
Облыста екі жүзден астам сорғы станциясы бар. Соның 43-і «Наммоторс сув таъминот» кәсіпорнына мемлекеттік-жекеменшік әріптестік негізінде 10 жыл мерзімге басқаруға берілген. Бұл үдеріс үшін 40 миллиард сум инвестиция бағытталды. Нысандарға орнатылып жатқан сорғы агрегаттары отандық өндірістен шыққан.
Мемлекет басшысы алдағы екі жыл ішінде «Айқирон-1» тәжірибесі негізінде облыстағы барлық сорғы станциясын жаңғырту, сондай-ақ бұл бастаманы елдің басқа өңірлерінде де кезең-кезеңімен жүзеге асыру жөнінде тапсырма берді.
Жаңғыртуды тек технологияларды ауыстырумен шектемей, оларды білікті түрде басқару мен дұрыс пайдалану да маңызды екені атап өтілді. Ілім мен білімге сүйеніп жұмыс жүргізілсе, модернизацияның экономикалық тиімділігі артады. Ауыл шаруашылығында өнімділік өсіп, азық-түлік қауіпсіздігі мен халықтың өмір сүру деңгейі жақсарады.
Сондай-ақ жауапты мамандар алдағы уақытта 750-ден астам фермерлік шаруашылықтарға күн панельдері арқылы жұмыс істейтін шағын сорғылар және тамшылатып суару жүйелері енгізілетіні туралы ақпарат берді.
