Президенттің "Жанармай-энергетика саласында базар қағидаттарына өту үдерісінде халықты әлеуметтік қолдау іс-шаралары туралы" Жарлығына орай, отбасының мұқтаждығын анықтауда жан басына шаққандағы дұрыс келетін орташа айлық табысының өлшемі ұлғайтылады.
Нақтырақ айтқанда:
Электр энергиясы мен табиғи газ үшін өтемақы тағайындауда аталмыш өлшем ең төменгі тұтыну шығындарының 1,5 есесінен 2 есесіне дейін көтеріледі.
Көмір сатып алуға берілетін материалдық көмек бөлу үшін табыс шегі 1 еседен 2 есеге дейін ұлғайтылады.
«Саховат ва кўмак» қоры есебінен коммуналдық шығындарды өтеу, коммуналдық қарыздарды жабу және көмір немесе басқа отын түрлерін сатып алуға жұмсалған шығындарды өтеу кезінде де табыс шегі 1 еседен 2 есеге дейін көтеріледі.
Сонымен қатар, электр энергиясы мен табиғи газдың базалық тұтыну нормасы шегіндегі және одан асқан тұтыну тарифтері арасындағы айырмашылықты өтеу мерзімі 2028 жылғы 1 сәуірге дейін ұзартылды.
Ал көмір сатып алу шығындарының бір бөлігін өтеуге арналған материалдық көмек төлеу мерзімі 2029 жылғы 1 қаңтарға дейін жалғасады.
